Қишки трансфер ойнаси ёпилиши арафасида "Арсенал" ҳақиқатан ҳам "Бавария" ярим ҳимоячиси Леон Горецканинг трансфери бўйича таклиф билан чиққан эди. Аммо футболчи қишда жамоасини ўзгартирмасликка қарор қилганди.
"Горецка сўнгги сонияларда берган ваъдасини бузишга тайёр эмасди — ҳатто "Арсенал" учун бўлса ҳам", — деб ёзди таниқли журналист Кристиан Фальк.
Аввалроқ, Леон Горецка мавсум якунида "Бавария"дан кетиши эълон қилинган эди. Ёзда немис футболчисини эркин агент сифатида ўз сафига қўшиб олиш мумкин бўлади.
"Transfermarkt" портали мутахассислари 31 ёшли Горецканинг бозор қийматини 15 миллион еврога баҳоламоқда.
