Яқинда «Барселона» ярим ҳимоячи Фермин Лопес билан шартномани узайтириш бўйича келишувга эришилганини эълон қилган эди. Жума куни Каталония клуби офисида ушбу воқеага бағишланган тадбир бўлиб ўтди. Лопес клуб президенти Жоан Лапорта иштирокида 2031 йилнинг ўрталарига қадар мўлжалланган янги битимга имзо чекди.
«Барселона» матбуот хизмати ижтимоий тармоқларда Лапорта ва Лопес биргаликда футболчининг либосини ушлаб турган суратни эълон қилди. Ушбу либосда рақам ўрнига янги меҳнат шартномасининг амал қилиш муддати — 2031 рақами туширилган.
«Барселона» навбатдаги ўйинини 7 февраль куни ўз майдонида «Мальорка»га қарши ўтказади.
