Ярим ҳимоячи Фермин Лопес "Барселона" билан шартномасини узайтирганидан сўнг таъсирли сўзларни айтди. 22 ёшли футболчи 2031 йилнинг ўрталарига қадар мўлжалланган меҳнат битимига имзо чекди.
"Мен учун, "Барселона" мухлиси сифатида, бу болаликдаги орзу — "Барса"ни севиш, "Барса"да ўйнаш ва "Барса" учун яшаш", — дея Лопеснинг сўзларини келтирди клуб матбуот хизмати ижтимоий тармоқларда.
Ҳозирда "Барселона" Испания чемпионатида пешқадамлик қилмоқда. "Кўк-анорранглилар"нинг "Реал"дан фарқи минимал даражада бўлиб, бор-йўғи бир очкони ташкил этади.
Шанба куни, 8 февраль куни "Барселона" ўз майдонида "Мальорка"ни қабул қилади.
