"Манчестер Сити" бош мураббийи Хосеп Гвардиола Премьер-лиганинг навбатдаги тури доирасидаги "Ливерпуль"га қарши бўлажак ўйин ҳақида фикр билдирди.
"Ҳа, "Энфилд"да доим қийин бўлган. У ердаги футболчилар ва мураббийларнинг маҳоратини ҳисобга олсак, ўйнаш жуда мураккаб. "Ливерпуль"нинг муаммоларими? "Ливерпуль" ажойиб жамоа бўлиб қолмоқда. Уларда юқори савияли мураббий ва шубҳасиз, ажойиб классдаги жамоа бор. Омадсиз лаҳзалар, омадсиз мавсумлар бўлиб туради, лекин улар доимо кучли жамоа бўлиб қолаверади", — деди Гвардиола матбуот анжуманида.
"Ливерпуль" ва "Манчестер Сити" ўртасидаги баҳс 8 февраль куни Тошкент вақти билан 21:30 да бошланади.
