Лондоннинг “Арсенал” клуби футболчиси Габриэль Мартинелли фаолиятини Испания Ла Лигасида давом эттириши мумкин. Бу ҳақда Fichajes нашри хабар бермоқда. Манбага кўра, бразилиялик вингерга “Барселона” қизиқиш билдирмоқда.
Каталонияликлар ҳужумчинг чап қанот чизиғини кучайтириш зарур деб ҳисобламоқда. Бунга зич ўйин тақвими ҳамда Рафинья бўйича Саудия Арабистонидан келаётган таклифлар сабаб бўлмоқда. Шу боис клуб раҳбарияти эҳтимолий трансферлар бўйича олдиндан вариантларни ўрганмоқда.
Қайд этилишича, “Барселона” Европа футболида тажрибага эга, ёш ва тезкор футболчини таркибга қўшишни режалаштирган. Бу борада асосий номзод сифатида Габриэль Мартинелли кўрилмоқда. Жамоа бош мураббийи Ҳанси-Дитер Флик бразилиялик футболчининг тезлиги ва ўйин услубини юқори баҳолайди. Мартинелли қанотда ҳам, марказга яқин ҳудудда ҳам ҳаракат қила олади, шунингдек, ҳимояга ёрдам бериши билан ажралиб туради.
Мартинеллининг “Арсенал” билан шартномаси 2027 йил ёзигача амал қилади. Агар у келаси мавсумда ҳам асосий таркибда кам ўйин амалиётига эга бўлса, клубни тарк этиши мумкин. Шунга қарамай, 23 ёшли футболчи жорий мавсумда 30 та учрашувда майдонга тушиб, 10 та гол ва 2 та ассист муаллифига айланган.













