«Манчестер Сити» бош мураббийи Пеп Гвардиола Сандро Тоналини топ-футболчи деб атади ва Англия Лига кубоги ярим финалининг жавоб учрашувидан (3:1, биринчи ўйин – 2:0) сўнг итальян билан нималар ҳақида гаплашганини сўзлаб берди.
Тонали тарбияланувчиси ҳисобланган «Брешия» клубида ўз вақтида тўп сурган Гвардиола, ўйиндан сўнг майдонга тушиб, Сандро билан суҳбатлашди.
«Менинг итальян тилим мукаммал, шунинг учун Сандро билан бемалол мулоқот қила оламан. «Брешия» билан умумий дўстлигимиз бор, шунингдек, унинг отасини анчадан бери танийман.
Тонали билан ҳар сафар учрашганимизда «Милан», мухлислар ва унинг «Ньюкасл»да эканлигидан қанчалик хурсандлиги ҳақида гаплашамиз. У ҳақиқатан ҳам топ-футболчи. Топ-топ», — деди Пеп.
