Англия чемпионатида 25-тур ўйинлари бошланди. "Лидс" омон қолиш учун курашда рақиби "Ноттингем Форест"дан устун келди- 3:1. Учрашув ҳақида "Лидс" устози Даниэль Фарке ўз фикрларини билдириб ўтди.
"Муваффақиятсиз ўйиндан кейин тезда жавоб қайтариш ҳар доим муҳим. Ва биз озми-кўпми яхши жавоб бера олдик. Бу уч очкодан кўра кўпроқ аҳамиятга эга бўлган уч очко - биз тўғридан-тўғри рақобатчини мағлуб этдик. Босимга қарамай, биз ўз ишимизни бажардик. Бу бизда тўғри менталитет борлигини англатади", - дея Фаркенинг сўзларини келтиради BBC Sport.
Ҳозирда "Лидс" ўн олтинчи, "Ноттингем Форест" эса ўн еттинчи ўринда бормоқда.
