"Бавария" дарвозабони Мануэль Нойер "Бавария"дан янги шартнома бўйича таклиф олди.
Мюнхен гранди жамоанинг 39 ёшли сардорига меҳнат шартномасини бир йилга, келаси мавсум охиригача узайтиришни таклиф қилди, деб хабар бермоқда журналист Николо Скира. Дарвозабон ҳозирча жавоб бермади.
Аввалроқ, Мануэль Нойер ҳали келажакдаги режалари ҳақида бир қарорга келмагани ҳақида хабар берилганди.
Жорий мавсумда юлдуз фахрий "Бавария" сафида барча мусобақаларда 25 та ўйинда майдонга тушиб, ўз дарвозасидан 26 та гол ўтказиб юборди ва 7 марта дарвозасини дахлсиз сақлаб қолди. Март ойида немис кипери 40 ёшга тўлади.
