"Bavariya" darvozaboni Manuel Noyer "Bavariya"dan yangi shartnoma bo‘yicha taklif oldi.
Myunxen grandi jamoaning 39 yoshli sardoriga mehnat shartnomasini bir yilga, kelasi mavsum oxirigacha uzaytirishni taklif qildi, deb xabar bermoqda jurnalist Nikolo Skira. Darvozabon hozircha javob bermadi.
Avvalroq, Manuel Noyer hali kelajakdagi rejalari haqida bir qarorga kelmagani haqida xabar berilgandi.
Joriy mavsumda yulduz faxriy "Bavariya" safida barcha musobaqalarda 25 ta o‘yinda maydonga tushib, o‘z darvozasidan 26 ta gol o‘tkazib yubordi va 7 marta darvozasini daxlsiz saqlab qoldi. Mart oyida nemis kiperi 40 yoshga to‘ladi.
