"Манчестер Юнайтед" "Ньюкасл"нинг 24 ёшли қанот ҳужумчиси Энтони Гордонни сотиб олиш вариантини кўриб чиқмоқда. Бу ҳақда Х ижтимоий тармоғидаги The United Stand аккаунти учун журналист Бен Жейкобс хабар бермоқда.
Манбага кўра, Гордон марказий ҳужумчи сифатида кўпроқ ўйин амалиётига эга бўлишни истайди.
Шунингдек, "қизил иблислар"га "буқалар" томонидан 100 млн еврога баҳоланаётган "Лейпциг" вингери Ян Диоманде ҳам қизиқ.
Гордон жорий мавсум барча мусобақаларда 33 та ўйинда майдонга тушди ва 10 та гол ҳамда 4 та голли узатмага муаллифлик қилди. Transfermarkt порталида келтирилган маълумотларга кўра, футболчининг бозор нархи 60 млн еврони ташкил этади.
