"Ливерпуль" бош мураббийи Арне Слот "Манчестер Сити"га қарши бўлажак учрашув ҳақида ўз фикрларини билдириб ўтди.
Ноябрь ойида бўлиб ўтган биринчи давра ўйинида "қизиллар" сафарда "шаҳарликлар"га 0:3 ҳисобида имкониятни бой беришди. Якшанба куни мерсисайдликлар "Энфилд"да реванш олишга уриниб кўришади.
"Ўша ўйинда яхши прессинг қила олмадик. Ўтган мавсумдан асосий фарқ, менимча, айнан шунда эди - ўшанда биз бу мавсум бошидагига қараганда анча яхши прессинг қилдик. Аммо энди мен тараққиётни кўряпман: футболчиларимиз кўпроқ югуришга қодир, фаолроқ босим ўтказади ва буни ҳужумдаги яхши ўйин даражаси билан уйғунлаштиради. Бу сафар "Манчестер Сити"га қарши ўйинда бу қандай намоён бўлишини кўриш жуда қизиқ бўлади, чунки гап тўп билан ишлаш нуқтаи назаридан энг яхши ёки энг яхши жамоалардан бири ҳақида кетмоқда", - дея Слотнинг сўзларини келтиради Anfield Sector.
