«Ньюкасл» ярим ҳимоячиси Бруно Гимараэс келаётган ёзда клубини ўзгартириши мумкин. «Қарғалар» Премьер-лига жадвалида атиги 11-ўринни эгаллаб турибди ва кейинги мавсумда Чемпионлар лигасисиз қолиш хавфи остида.

Журналист Бен Жейкобснинг маълумотларига кўра, бразилиялик футболчининг раҳбарият билан оғзаки келишуви бор: агар энг нуфузли еврокубокда иштирок этадиган клуб у учун 80 миллион фунт стерлинг (92 миллион евро)дан бошлаб таклиф билдирса, уни жамоада мажбурлаб ушлаб туришмайди. Манбанинг таъкидлашича, ҳозирда 28 ёшли хавбек учун асосий даъвогар, унга қизиқиш билдираётган «Манчестер Юнайтед» эмас, балки «Манчестер Сити» бўлиб турибди.

Бруно Гимараэснинг «Ньюкасл» билан шартномаси 2028 йилгача амал қилади. «Transfermarkt» сайтида футболчининг тахминий қиймати 75 миллион евро этиб белгиланган.