"Манчестер Юнайтед" ва ярим ҳимоячи Кобби Майну ўртасидаги янги шартнома бўйича музокаралар ҳақида маълумотлар пайдо бўлди.
"talkSPORT" нашрининг таъкидлашича, "қизил иблислар" раҳбариятининг Майну билан олиб бораётган мулоқоти муваффақиятли кечмоқда. "Манчестер Юнайтед" мутасаддилари келишув навбатдаги трансфер ойнаси очилгунга қадар амалга ошишига ишонишмоқда.
Қайд этилишича, янги шартномага кўра 20 ёшли хавбек ҳафтасига 115 минг евро ёки йилига тахминан олти миллион евро ишлаб топади. Ҳозирги вақтда футболчининг йиллик маоши 1,5 миллион еврони ташкил қилади.
Жорий мавсумда Майну барча турнирларда 17 та ўйинда майдонга тушиб, иккита голли узатмани амалга оширди.
