"Manchester Yunayted" va yarim himoyachi Kobbi Maynu o‘rtasidagi yangi shartnoma bo‘yicha muzokaralar haqida ma’lumotlar paydo bo‘ldi.

"talkSPORT" nashrining ta’kidlashicha, "qizil iblislar" rahbariyatining Maynu bilan olib borayotgan muloqoti muvaffaqiyatli kechmoqda. "Manchester Yunayted" mutasaddilari kelishuv navbatdagi transfer oynasi ochilgunga qadar amalga oshishiga ishonishmoqda.

Qayd etilishicha, yangi shartnomaga ko‘ra 20 yoshli xavbek haftasiga 115 ming yevro yoki yiliga taxminan olti million yevro ishlab topadi. Hozirgi vaqtda futbolchining yillik maoshi 1,5 million yevroni tashkil qiladi.

Joriy mavsumda Maynu barcha turnirlarda 17 ta o‘yinda maydonga tushib, ikkita golli uzatmani amalga oshirdi.