"Барселона" Ла Лиганинг 23-турида "Мальорка"ни 3:0 ҳисобида мағлуб этди. Бу "кўк-анорранглилар" учун Ханс-Дитер Флик бошқаруви остидаги 96 та ўйинда қайд этилган 31-йирик ғалаба бўлди.

Германиялик мутахассис қўл остида "Блауграна" "Атлетик" (3:0, 4:0, 5:0), "Валенсия" (7:1, 5:0, 6:0) ва эндиликда "Мальорка"ни (5:1, 3:0, 3:0) уч мартадан йирик ҳисобда таслим этишди.

Шунингдек, "Барселона" "Реал Мадрид" (4:0, 5:2), "Севилья" (5:1, 4:1) ва "Жирона"ни (4:1, 4:1) икки мартадан тор-мор этган.

Бундан ташқари, "Вальядолид" (7:0), "Вильярреал" (5:1), "Янг Бойз" (5:0), "Алавес" (3:0), "Бавария" (4:1), "Црвена Звезда" (5:2), "Брест" (3:0), "Барбастро" (4:0), "Бетис" (5:1), "Реал Сосьедад" (4:0), "Боруссия" (4:0), "Олимпиакос" (6:1) ва "Овьедо" (3:0) жамоалари устидан ҳам йирик ғалабалар қўлга киритилган.

Флик 2024 йилдан буён "Барселона"ни бошқариб келмоқда. Ўтган мавсумда клуб Испания чемпионига айланди.