Дортмунднинг "Боруссия" клуби сардори Эмре Жан жароҳати сабабли бир неча ҳафтани ўтказиб юборади.
Журналист Патрик Бергернинг хабар беришича, 32 ёшли футболчи яна чов соҳаси ва соннинг яқинлаштирувчи мушакларида ноқулайлик сезмоқда. Жан камида уч ҳафта майдонга туша олмайди — "Боруссия" раҳбарияти у 28 февраль куни бўлиб ўтадиган "Бавария"га қарши баҳсгача тайёр бўлишига умид қилмоқда.
Бундан аввал "Боруссия" таркибида Филиппо Мане жароҳат олган эди. Яна бир ҳимоячи, "Челси"дан ижарага олинган Аарон Ансельмино эса қишки трансфер ойнасида Лондон клуби томонидан чақириб олинди ва "Страсбур"га ўтди.
