"Манчестер Юнайтед" бош мураббийи Майкл Кэррик мухлислар жамоанинг сўнгги муваффақиятларини қандай қабул қилишлари кераклиги ҳақида ўз фикрларини билдирди.

Маълумки, "қизил иблислар" Премьер-лиганинг охирги тўртта ўйинида ғалаба қозонишди.

"Мухлис учун жамоа муваффақиятларидан хурсанд бўлиш — нормал ҳолат. Улар стадионни яхши кайфиятда тарк этишлари ва қайтишни интизорлик билан кутишлари керак. Бизнинг вазифамиз — уларга шуни беришдир. Охирги ҳафталарда кўрсатган ўйинларимиз жуда ажойиб бўлди. Биз буни ривожлантиришда давом этишимиз лозим", — деди Кэррик TNT Sports телеканалига.