Лондоннинг «Арсенал» клуби ҳужумчиси Виктор Дьёкереш «Сандерленд»га қарши кечган ўйин якунларини сарҳисоб қилди. АПЛнинг 25-тур учрашуви 3:0 ҳисобида якунланди.
«Ўйлашимча, «Сандерленд» — яхши жамоа. Уларнинг ўйинчилари жуда кучли ва ҳаводаги курашларда ажойиб ҳаракат қилишади. Улар бир нечта яхши вазиятлар яратишди, аммо биз жуда яхши ҳимояландик ва кейин 3 та гол урдик. Ажойиб натижа», — дея футболчининг сўзларидан иқтибос келтирмоқда Sky Sports.
Шунингдек, Дьёкереш «тўпчилар»нинг захирадан тушаётган ўйинчилари нақадар муваффақиятли ҳаракат қилаётгани ҳақида ҳам тўхталиб ўтди.
«Биз буни бутун мавсум давомида кўрсатиб келмоқдамиз. Кўпгина футболчилар захира ўриндиғидан тушиб, воқеалар ривожига таъсир ўтказа олишмоқда. Барча мусобақалардаги ўйинлар сони шунчалик кўп бўлган бир пайтда — бу жуда яхши белги. Шу руҳда давом этишимиз керак».
