Испания чемпионатининг 23-турида Каталониянинг "Барселона" жамоаси "Мальорка"ни йирик ҳисобда мағлуб этди, польшалик ҳужумчи Роберт Левандовски эса учрашувдаги илк голни киритди. Ушбу гол Роберт учун "Барса" сафидаги барча расмий ўйинларни ҳисобга олганда 114-си бўлди ва унга клуб тарихидаги энг яхши 15 тўпурар рўйхатига кириш имконини берди.
Ҳозирда Роберт бу кўрсаткич бўйича ўтган асрнинг 40-50-йилларида жамоада порлаган Эстанислао Басора билан бир қаторда турибди. Левандовскининг навбатдаги мақсади — "Барса" учун 117 та гол урган болгариялик Христо Стоичковни ортда қолдириш. Тўпурарлар рўйхатини эса, шубҳасиз, аргентиналик ҳужумчи Лионель Месси бошқариб бормоқда — 672 та гол.
