"Ювентус" клуби Европанинг энг яхши жамоалари (жумладан, "Реал Мадрид") қизиқиш билдирган турк иқтидори Кенан Йилдиз билан келишувни расман узайтирди. Шартнома имзолангани эълон қилинганидан сўнг, Йилдиз ўз туйғулари билан ўртоқлашди ва клуб раҳбариятига миннатдорчилик билдирди.

"Биринчи навбатда Жон Элканнга миннатдорчилик билдирмоқчиман. Мен жуда хурсандман, "Ювентус"да ўзимни уйдагидек ҳис қиляпман, атрофимдагилар худди ўз оиламдек. Ишончим комилки, яқин келажакда бизни катта муваффақиятлар кутмоқда", — дея Йилдизнинг сўзларидан иқтибос келтиради "derbyderbyderby.it".

Эслатиб ўтамиз, ҳозирда Турин клуби А Серия турнир жадвалида 23 турдан сўнг 45 очко билан тўртинчи ўринни эгаллаб турибди.