Португалиялик мутахассис Паулу Фонсека ўзининг янги клуби — "Лион"да ўз ўрнини топди. У жамоа бошқарувини қўлга олганидан бери ўтказилган 51 та ўйиннинг 34 тасида ғалаба қозонди. Бу ҳар учта ўйиндан иккитаси ёки роппа-роса 66,6 фоиз демакдир.

Бу клуб бутун тарихидаги энг яхши кўрсаткичдир. Иккинчи ўринни 108 та ўйинда 69 та ғалаба қайд этган Жерар Улье эгаллаб турибди (63,9%). Учинчи ўринда эса 55 та ўйиндан 35 тасида ғалабага эришган Ален Перрен бор — 63,6 фоиз.

Ҳозирда "Лион" Франция чемпионати турнир жадвалида учинчи ўринга кўтарилиб олди. Навбатдаги турда Паулу Фонсека шогирдлари ўз майдонларида "Ницца"ни қабул қилишади.