"Вулверхэмптон"нинг ўнг қанот вингери Жон Ариас Бразилиянинг "Палмейрас" клуби аъзосига айланди. Трансфер қиймати 25 миллион еврога баҳоланмоқда, футболчи билан эса 2029 йил якунига қадар шартнома имзоланди.
Ариас — 28 ёшли колумбиялик ўйинчи бўлиб, у "бўрилар" сафига 2025 йилнинг ёзида келиб қўшилган эди. Бироқ у АПЛ аутсайдери таркибида ўзини кўрсата олмади — 26 та ўйинда майдонга тушиб, бор-йўғи иккита гол ва битта голли узатмани амалга оширди.
"Transfermarkt" портали Ариасни 15 миллион еврога баҳоламоқда. АПЛ клубига ўтишдан аввал у Бразилиянинг бошқа бир машҳур жамоаси — "Флуминенсе" шарафини ҳимоя қилган.
