"Интер Майами" жамоаси мавсумолди ўртоқлик учрашувида Эквадорнинг "Барселона" клуби билан дуранг ўйнади (2:2).
Лионель Месси жорий йилдаги илк голини айнан шу баҳсда киритди — у учрашувнинг 31-дақиқасида ҳисобни очди. Биринчи бўлим якунида жамоалар яна бир мартадан гол алмашишди ("Майами" сафида Герман Бертераме ажралиб турди), 87-дақиқада эса эквадорликлар ҳисобни тенглаштиришга муваффақ бўлишди. Месси 58-дақиқада майдонни тарк этди — унинг ўрнига Луис Суарес тушди.
Кейинги шанба куни "Интер Майами" яна бир ўртоқлик учрашувини ўтказади, 22 февраль куни эса МЛСнинг янги мавсуми 1-тури доирасида "Лос-Анжелес"га қарши баҳс бўлиб ўтади.
