"Манчестер Юнайтед" сардори Бруну Фернандеш жамоа бош мураббийи вазифасини бажарувчи Майкл Кэррикнинг иши ҳақидаги саволга жавоб берди.
"Қизил иблислар" инглиз мутахассиси қўл остида дастлабки тўртта ўйиннинг барчасида ғалаба қозонишди. Шанба куни манкунианликлар ўз майдонларида "Тоттенхэм"ни мағлуб этишди (2:0).
"Кэррик бу қандай бўлишини яхши билади, чунки у футболчи сифатида "Манчестер Юнайтед" билан барча совринларни қўлга киритган. Майкл олдинги сафар бизни шуғуллантирган вақтида, мен унга ажойиб мураббий бўла олишини айтгандим. Ҳозир у буни исботламоқда", — дея журналист Фабрицио Романо Фернандешнинг сўзларини келтирди.
