"Барселона" бош мураббийи Ханс-Дитер Флик кам ўйин амалиётига эга футболчилар ҳақида фикр билдирди.
"Айрим футболчилар кўп ўйнамаса ҳам, масалан, Касадо ёки Руни, улар жамоа учун нима муҳимлигини билишади ва исталган вақтда майдонга тушишга тайёр бўлишлари керак", - дея Фликнинг сўзларини келтиради Barca Universal.
Испания Ла Лигасининг 23-турида "Барселона" ўз майдонида "Мальорка"ни тор-мор этди. Ўйин 3:0 ҳисобида якунланди. Касадо асосий таркибда майдонга тушиб, тўлиқ 90 дақиқа ҳаракат қилган бўлса, Руни Барджи 78-дақиқада захирадан майдонга тушди.
Испания чемпионати турнир жадвалида "Барселона" 23 учрашувда 58 очко жамғаришга муваффақ бўлган ҳолда пешқадамлик қилмоқда.
