«Барселона» футболчилари Ханс-Дитер Фликнинг клуб бош мураббийи лавозимида қолишини истамоқдалар.
«Touchline» нашрининг маълумотларига кўра, «кўк-анорранглилар» ўйинчилари немис мутахассиси билан шартнома узайтирилишидан ниҳоятда манфаатдор. Улар устозини узоқроқ муддатга — 2027 йилдан кейин ҳам амал қиладиган келишувга имзо чекишга кўндиришга тайёрлар. Каталония клуби футболчилари Фликни ўзлари учун идеал мураббий деб ҳисоблашади.
Ханс-Дитер Флик 2024 йилда «Барселона»ни қабул қилиб олган эди. Унинг қўл остида «кўк-анорранглилар» Ла Лига, Испания кубоги ва икки бор Испания Суперкубогида ғолиб чиқишди. Ҳозирда Каталония клуби Испания чемпионати турнир жадвалида пешқадамлик қилмоқда.
