«Интер» клуби «Сассуоло» ҳимоячиси Тарик Мухаремовични ўз сафига қўшиб олмоқчи.

«La Gazzetta dello Sport» нашрининг маълумотларига кўра, Милан клуби сўнгги ойлар давомида босниялик футболчининг ўйинини диққат билан кузатиб бормоқда. «Интер» футболчининг трансферини ёзда расмийлаштириш ниятида. Мухаремовичнинг трансфери учун «нерадзурри» 25 миллиондан 30 миллион еврогача маблағ тўлашига тўғри келади.

Тарик Мухаремович 2025 йилда «Ювентус»дан «Сассуоло»га 3 миллион евро эвазига ўтган эди. Унинг шартномаси 2031 йилнинг 30 июнигача мўлжалланган. Жорий мавсумда ҳимоячи барча мусобақаларда 21 та ўйинда майдонга тушиб, 2 та гол урди ва 2 та голли узатмани амалга оширди. «Transfermarkt» портали 22 ёшли Мухаремовичнинг қийматини 14 миллион еврога баҳоламоқда.