«Ливерпуль» бош мураббийи Арне Слот «Манчестер Сити»га қарши ўйинда Муҳаммад Салоҳга нисбатан ишлатилган шубҳали қоида бузилиши эпизодида ҳакамнинг чиқарган қароридан норози бўлди.

Иккинчи бўлимда «шаҳарликлар» ҳимоячиси Марк Гехи мисрлик футболчининг жарима майдончасига ёриб киришини унинг либосидан тортиб қолиш орқали тўхтатиб қолди. Рефери бу вазиятга эътибор қаратмади, бу эса «қизиллар» устозининг кескин эътирозларига сабаб бўлди.

"Агар алоҳида эътиборга лойиқ вазият бўлса, бу Салоҳ дарвозабон билан яккама-якка чиқиб кетиши мумкин бўлган эпизоддир. Охирги етти-саккиз йил ичида «Энфилд»да бўлган ҳар бир киши яхши биладики, бу Салоҳ учун амалда гол дегани. Ҳакамлар яна бизнинг зиёнимизга қарор қабул қилишди. Улар ўз ишларини бажаришлари керак", — дея Слотнинг сўзларини келтирмоқда «The Touchline».

Учрашув «Ливерпуль»нинг 1:2 ҳисобидаги мағлубияти билан якунланди.