Мадриднинг «Реал» клуби ва Германия терма жамоаси собиқ футболчиси Тони Кроос португалиялик Криштиану Роналдунинг Саудия Арабистонидаги бойкотига изоҳ берди. 41 ёшли Роналду лигадаги трансфер сиёсатидан норозилиги сабабли «Ан-Наср»нинг сўнгги ўйинларини ўтказиб юборди.
"Саудия чемпионати — бу Роналдунинг трансферигача ҳеч ким билмаган янги ва қизиқарли жой. Энди эса улар ўзларига машҳурлик келтирган инсонга нисбатан ҳурматсизлик кўрсатишмоқда. Ишончим комилки, агар Криштиану ушбу лигани тарк этса, одамлар уни томоша қилишни тўхтатишади", — деди Кроос ўз подкастида.
Роналду 2023 йилнинг қишида «Ан-Наср»га ўтган эди. Ҳужумчининг саудияликлар билан тузган меҳнат шартномаси 2027 йилнинг июнь ойи якунида тугайди. Унинг бозор қиймати 12 миллион еврони ташкил этади.
