«Барселона» ва Мадриднинг «Реал» клублари Ла Лиганинг 23-туридаги ўз ўйинларида ғалаба қозонишди.

Шанба куни «кўк-анорранглилар» «Мальорка»дан устун келишди (3:0), бир кун ўтиб эса «қаймоқранглилар» «Валенсия»ни мағлуб этишди (2:0). Каталония гранди турнир жадвалида ҳамон пешқадамлик қилмоқда ва мадридликларни атиги бир очкога ортда қолдирмоқда, бироқ Opta суперкомпьютерининг ҳисоб-китобларига кўра, «Барса»нинг чемпионлик эҳтимоли ҳозирда анча юқори баҳоланмоқда — 31 фоизга қарши 68 фоиз. «Атлетико» эса олтин медаллар учун имкониятни деярли йўқотди — «матрасчилар»да бу кўрсаткич 1 фоиздан ҳам кам.

Келгуси турда «Барселона» сафарда «Жирона» билан ўйнайди, «Реал» эса ўз майдонида «Реал Сосьедад»ни қабул қилади. Учрашувлар мос равишда 16 ва 14 февраль кунлари бўлиб ўтади.