Лондоннинг «Арсенал» клуби собиқ ҳимоячиси Мартин Киоун «канонирлар»нинг испаниялик ярим ҳимоячиси Мартин Субимендининг Англия чемпионати жорий мавсумидаги ўйинини баҳолади.
«Кўпчилик Деклан Райс ҳақида гапиради, Жакани эслашади, лекин Субименди ҳам бор. У АПЛнинг жорий мавсумидаги энг яхши ўйинчилардан бири ҳисобланади. Наҳотки мен ҳақ бўлмасам? Бу футболчи Испания терма жамоаси ўйинини бошқаради ва «канонирлар» майдон марказида ҳам ўзини ажойиб тарзда кўрсатмоқда», — дея фахрий футболчининг сўзларини келтирмоқда «Metro».
Англия Премьер-лигасининг жорий мавсумида 27 ёшли ярим ҳимоячи 25 та учрашув ўтказди. Субименди ўз ҳисобига бешта гол ва битта голли узатмани ёздириб қўйди.
