Мадриднинг «Реал» клуби чап қанот ҳимоячиси Альваро Каррерас жамоадоши Килиан Мбаппе ҳақида ўз фикрларини билдирди.

Айнан испаниялик ва франциялик футболчилар «Валенсия»га қарши баҳснинг (2:0) 65 ва 91-дақиқаларида рақиб дарвозасини ишғол қилиб, «қаймоқранглилар»га ғалаба келтиришган эди.

«Мбаппе — ҳақиқий маҳлуқ (монстр). Таркибимизда шундай ўйинчи борлиги жуда яхши. У бу ерга келган биринчи кунимдан бери менга ёрдам бермоқда ва мен у учун хурсандман»», — дея Альваро Каррераснинг сўзларини келтирмоқда «Madrid Xtra».

Килиан Мбаппе 22 та ўйинда 23 та гол урган ҳолда Ла Лига тўпурарлар пойгасида ишонч билан пешқадамлик қилмоқда. Форвард барча мусобақаларда жами 31 та ўйин ўтказиб, 38 бор рақиблар дарвозасини ишғол қилди.