«Манчестер Сити» марказий ҳимоячиси Марк Гехи Премьер-лига доирасида «Ливерпуль»га қарши кечган баҳсда «Энфилд» стадионида ҳуштаклар остида қолди.
25 ёшли футболчи «шаҳарликлар»нинг «қизиллар» устидан 2:1 ҳисобида ғалаба қозонишига ёрдам берди.
«Ростини айтсам, нима учун ҳуштак чалишганини билмайман, лекин мен буни назорат қила олмайман. Мен шунчаки ўйин давомида мени қўллаб-қувватлаб турган мухлисларимиздан миннатдорман», — деди Гехи ўз клуби матбуот хизмати томонидан келтирилган интервьюсида.
Марк Гехи январь ойида «Кристал Пэлас»дан «Манчестер Сити»га кўчиб ўтган эди. Мавсум бошида инглиз футболчиси «Ливерпуль»га ўтишига бир бахя қолганди — ўшанда келишув сўнгги паллада бекор бўлган.
