«Манчестер Сити» марказий ҳужумчиси Эрлинг Холанд ўзининг сермаҳсуллиги борасидаги саволга жавоб берди.
2026 йилда норвегиялик ҳужумчи барча мусобақаларда ўтказилган 12 та учрашувда атиги учта гол урди.
«Биламан, мен янада эътиборлироқ бўлишим, ҳамма нарсада яхшиланишим керак, бунинг устида ишлашим лозим. Нима учун яхши натижалар кўрсата олмаганим ҳақида гапиришни истамайман. Мен бирор-бир баҳона бор деб ҳисобламайман», — дея Холанднинг сўзларидан иқтибос келтирмоқда ESPN.
Жорий мавсумда 25 ёшли ҳужумчи барча мусобақаларда 36 та ўйинда иштирок этиб, 28 та гол ва олтита голли узатмани ўз ҳисобига ёздириб қўйди. Холанднинг «Манчестер Сити» билан шартномаси 2034 йилда ниҳоясига етади.
