«Manchester Siti» markaziy hujumchisi Erling Xoland o‘zining sermahsulligi borasidagi savolga javob berdi.
2026 yilda norvegiyalik hujumchi barcha musobaqalarda o‘tkazilgan 12 ta uchrashuvda atigi uchta gol urdi.
«Bilaman, men yanada e’tiborliroq bo‘lishim, hamma narsada yaxshilanishim kerak, buning ustida ishlashim lozim. Nima uchun yaxshi natijalar ko‘rsata olmaganim haqida gapirishni istamayman. Men biror-bir bahona bor deb hisoblamayman», — deya Xolandning so‘zlaridan iqtibos keltirmoqda ESPN.
Joriy mavsumda 25 yoshli hujumchi barcha musobaqalarda 36 ta o‘yinda ishtirok etib, 28 ta gol va oltita golli uzatmani o‘z hisobiga yozdirib qo‘ydi. Xolandning «Manchester Siti» bilan shartnomasi 2034 yilda nihoyasiga yetadi.













