Мадриднинг «Атлетико» клуби келаётган ёзги трансфер ойнасида марказий чизиқни кучайтириш учун фаол ҳаракат бошлашни режалаштирмоқда.
Инсайдерларнинг хабар беришича, Диего Симеоненинг шорт-листидан қуйидаги футболчилар ўрин олган:
-
Эдерсон («Аталанта»): Бергамоликлар сафида барқарор ўйин кўрсатаётган бразилиялик футболчи мадридликларнинг асосий мақсадларидан бири.
-
Леон Горетцка («Бавария»): Тажрибали немис ярим ҳимоячиси «Атлетико»нинг ўйин услубига жуда мос тушиши кутилмоқда. Шунингдек, у ёзда эркин агентга айланади.
-
Уэстон Маккенни («Ювентус»): Туринликларнинг америкалик универсал футболчиси ҳам Мадрид клуби эътиборида турибди.
