Италия А Сериясининг 24-туридан ўрин олган сўнгги ўйинда "Рома" Дониэлл Маленнинг икки голи эвазига "Кальяри"ни мағлуб этди. Ўйин воқеаларига клуб ҳимоячиси Николо Пизилли изоҳ берди.
"Биз чиройли ўйин ўтказдик, мен эса ҳар доимгидек қўлимдан келганини қилишга ҳаракат қилдим. Замонавий ўйинчи ҳам ҳужум қилишни, ҳам ҳимояланишни билиши керак. Ўйлашимча, биз шиддатли ўйнадик ва майдонда яхши жойлашиб, рақибга бўш ҳудуд қолдирмадик. Бу чиройли футбол эди", - дея футболчининг сўзларини келтиради forzaroma.info.
Ҳозирда "Рома" Италия чемпионати турнир жадвалида бешинчи ўринни эгаллаб турибди.
