Италия А Сериясининг 24-туридан ўрин олган сўнгги ўйинда "Рома" "Кальяри" дарвозасига иккита тўп киритди ва ҳар бир бўлимда биттадан гол урди. Иккала сафар ҳам буни Нидерландия вакили Дониэлл Мален амалга оширди.
"Рома" устози Жан Пьеро Гасперини уни Марко ван Бастен билан таққослади, шунингдек, Жанлука Виалли билан ўхшашликларга эътибор қаратди.
"Ван Бастен жисмонан Малендан бироз фарқ қиларди, Виалли билан эса кўп ўхшашликларни кўряпман - худди шундай чаққон ва очилиб кета оладиган. Ўхшаш жиҳатлар жуда кўп", - дея Гасперинининг сўзларини келтиради forzaroma.info.
Ҳозирда "Рома" Италия чемпионати турнир жадвалида бешинчи ўринни эгаллаб турибди.
