"Милан" ва Лондоннинг "Челси" клублари собиқ ҳужумчиси, ҳозирда Украина футбол ассоциацияси (УАФ) раҳбари Андрей Шевченко миллий терма жамоа устози Сергей Ребровнинг келажаги борасида фикр билдирди.
"Биз Сергей Станиславовични алмаштириш масаласини кўриб чиқаётганимиз йўқ. У ўз ишини хотиржам давом эттириши мумкин", — дея раҳбарнинг сўзларини келтиради УАФ матбуот хизмати.
Эслатиб ўтамиз, Ребров 2023 йилда Украина терма жамоаси бошқарувини ўз қўлига олган эди. Унинг қўл остида жамоа Евро-2024 финал босқичида иштирок этди ва ҳозирда ЖЧ-2026 саралаш ўйинларига тайёргарлик кўрмоқда.
