Мюнхеннинг "Бавария" клуби собиқ ҳимоячиси Лотар Маттеус Бундеслиганинг "Хоффенхайм"га қарши кечган сўнгги учрашувида (5:1) жамоанинг 17 ёшли иқтидори Леннарт Карл кўрсатган ўйинга муносабат билдирди.
"Карлнинг омадсиз чиққан финтлари акс этган видео интернетда вирус каби тарқалиб кетди. У бор-йўғи 17 ёшда ва футболни жуда яхши кўради. Баъзида у трюклар борасида ҳаддан ошиб юборади, лекин ахир бизга шунақаси ёқади-ку. Бу йигит ўз маҳоратини кўрсатишни ва афсоналарнинг трюкларини такрорлашни истайди. Ҳатто Месси ҳам 17 ёшида ҳамма нарсани идеал даражада бажара олмаган. Майли, Леннарт бизни кўнглимизни олишда (хушнуд этишда) давом этсин", — дея Маттеуснинг сўзларини "Bayern & Germany" нашри келтирмоқда.
Маълумот учун, Леннарт Карл жорий мавсумда Бундеслига доирасида 19 та ўйинда майдонга тушиб, ўз ҳисобига тўртта гол ва иккита голли узатмани ёздириб қўйди.
