UFC’нинг икки карра чемпиони нигериялик Исраэл Адесанья аралаш яккакурашлардаги фаолиятини якунлагач, режалари ҳақида гапирди.
"Мен DJ бўлишим мумкин. Бунга тўрт ой вақтим кетди ва мен буни аъло даражада уддаладим. Мен шунчаки дижей эмасман, балки чиқиш қиламан ва шоу уюштираман. Бизда Голливуддан ҳам таклифлар бор... Аммо мен EA, Activision, барча видео ўйинлар ишлаб чиқарувчи компанияларда ишлашни ва ўйинлар яратишни афзал кўрган бўлардим", - деди Адесанья ўзининг YouTube каналида.
Эслатиб ўтамиз, 28 март куни UFC Fight Night 271 турнирида Адесанья америкалик Жо Пайферга қарши жанг қилади.
