Яқин вақт ичида "Ньюкасл" 48 ёшли мураббий Эдди Хау билан хайрлашиши мумкин. Бу ҳақда "Football Insider" нашри ёзмоқда.
Инсайдерларнинг таъкидлашича, ўтган шанба куни "Брентфорд"дан учралган мағлубиятдан (2:3) сўнг "қарғалар" устозига бўлаётган босим янада кучайган. Ушбу мағлубият Англия лига кубогидаги иштирокни ҳам ҳисобга олсак, клуб учун кетма-кет учинчиси бўлди.
Вазиятни мураккаблаштираётган жиҳат шундаки, "Ньюкасл" айни дамда кучли тўртликдан кўра, хавфли зонага (қуйи лигага тушиб кетиш ҳудудига) яқинроқ турибди. Клуб ҳозирда АПЛда 12-ўринда. Тўртинчи поғона билан орадаги фарқ 11 очкони, хавфли зона билан эса 10 очкони ташкил этмоқда. Олдинда "қарғалар"ни "Тоттенхэм", "Астон Вилла" ва "Манчестер Сити"га қарши ўта қийин ўйинлар кутмоқда.
