Жоан Лапорта "Барселона" президенти лавозимини тарк этди. Функционер навбатдаги сайловларда номзодини қўйиш имкониятига эга бўлиш учун шундай қадам ташлади. Регламент талаби шундай.
Сешанба куни Лапорта машғулот базасига ташриф буюрди ва футболчилар билан хайрлашди. Бу ҳақда "The Touchline" нашри хабар бермоқда. Шунингдек, Лапортанинг "Барселона" бош мураббийи Ханс-Дитер Флик билан қучоқлашиб тушган сурати ҳам эълон қилинди.
"Барселона" президенти учун сайловлар 15 март куни бўлиб ўтади. Жоан Лапорта ушбу сайловларда ғалаба қозонишга умид қилмоқда.
Ҳозирда "Барселона" Испания Ла Лигаси турнир жадвалида пешқадамлик қилмоқда. Иккинчи ўриндаги "Реал" каталонияликлардан бир очко орқада қолмоқда.
