Ёзги трансфер ойнасида ҳужумчи Муҳаммад Салоҳ клубини ўзгартириши мумкин. Арне Слот билан бўлган аввалги келишмовчиликлар, шунингдек, ушбу мавсумдаги ишончсиз ўйин — буларнинг барчаси мисрлик футболчининг келажак борасидаги позициясига таъсир ўтказмоқда. Салоҳ шартномаси тугашига бир йил қолганда «Ливерпуль»ни тарк этиши мумкин.
«Foot Mercato» нашрининг хабар беришича, Салоҳнинг агенти аллақачон Саудиянинг «Ал-Иттиҳод» клуби билан музокаралар олиб бормоқда. Ўтган йилдан фарқли ўлароқ, Муҳаммад ҳозирда Саудия Арабистонига кўчиб ўтишга анча ижобий ёндашмоқда.
Шу ёзда Муҳаммад Салоҳ 34 ёшини қарши олади. Нуфузли «Transfermarkt» портали мутахассислари ҳужумчини 30 миллион еврога баҳолашмоқда.
