«Барселона» ҳужумчиси Ферран Торрес илгари «Манчестер Сити» сафида тўп сурган Англия чемпионатига қайтиши мумкин.
«Fichajes» нашрининг маълумотларига кўра, испаниялик футболчининг трансферига «Челси» клуби жиддий қизиқиш билдирмоқда. «Кўклар» ёзги трансфер ойнасида ҳужумчи учун 80 миллион евро таклиф қилишга тайёр. Бироқ «кўк-анорранглилар» бош мураббийи Ханси Флик Торреснинг ашаддий мухлиси ҳисобланади ва у бундай трансфернинг амалга ошишига қарши чиқмоқда.
Ферран Торрес 2022 йилда «Манчестер Сити»дан «Барселона»га 55 миллион евро эвазига ўтган эди. Унинг каталонияликлар билан амалдаги шартномаси 2027 йилнинг 30 июнигача мўлжалланган. Жорий мавсумда ҳужумчи жамоа сафида 31 та ўйинда майдонга тушиб, 16 та гол урди ва битта голли узатмани амалга оширди.
