«Тоттенхэм» бош мураббийи Томас Франк эҳтимолий истеъфо ҳақидаги гап-сўзларга муносабат билдирди.

Сешанба куни «шпорлар» ўз уйида «Ньюкасл»га имкониятни бой беришди (1:2). Лондонликлар АПЛнинг 26 туридан сўнг турнир жадвалида 16-поғонани эгаллаб туришибди, хавфли зонадан жамоани атиги беш очко ажратиб турибди. Шунга қарамай, Франкнинг сўзларига кўра, ҳозирча унга ишдан бўшатилиш хавф солаётгани йўқ.

«Йўқ, мен кеча клуб эгалари билан гаплашдим, — дея жавоб берди даниялик мутахассис «қарғалар» билан ўйиндаги омадсизликдан сўнг истеъфога чиқарилиши мумкинлиги ҳақидаги саволга. — Мен жуда қаттиқ ишлаяпман ва жамоани энг яхши тарзда тайёрлаш учун қўлимдан келган барча ишни қиляпман.

Мен мухлисларнинг ҳафсаласи пир бўлганини тушунаман. Ҳамма айбни мураббийга ағдариш — энг осон йўл, афсуски, бу менинг ишимнинг бир қисми. Вазиятни ўзгартириш учун куну тун меҳнат қиламан, лекин ҳамма нарса ҳам бир кишига боғлиқ эмас», — деди Франк BBC Match of the Day нашрига берган интервьюсида.

Якшанба куни, 22 февраль санасида, «Тоттенхэм» «Арсенал»га қарши майдонга тушади.