«Манчестер Сити» бош мураббийи Хосеп Гвардиола Эрлинг Холанднинг сермаҳсуллиги пасайгани борасидаги саволларга жавоб беришда давом этмоқда.

25 ёшли ҳужумчи сўнгги 13 та ўйинда бор-йўғи уч марта гол уришга муваффақ бўлди, бундан ташқари, ушбу голларнинг иккитаси пенальтидан киритилган.

«Эрлинг ҳозир 29 ёки 30 ёшда эмаслигини унутмаслик керак. У ҳали ёш, ривожланишда давом этмоқда ва ҳар мавсумда яхшиланиб бормоқда. У ўз организмини яхши билади ва ҳар уч-тўрт кунда майдонга тушиш нимани англатишини жуда яхши тушунади. Холандсиз натижаларимиз бундан анча ёмонроқ бўларди», — деди Гвардиола матбуот анжуманида.

Бугун «шаҳарликлар» ўз майдонида «Фулхэм»ни қабул қилади. Учрашув Тошкент вақти билан соат 00:30 да бошланади.