«Манчестер Юнайтед»нинг собиқ футболчиси Ники Батт Майкл Кэррикнинг иши ҳақида ўз фикрларини билдирди. Сешанба куни инглиз мутахассиси бошчилигидаги жамоа илк бор ғалаба қозона олмади — «Вест Хэм» билан ўйинда 1:1 ҳисоби қайд этилди. Бунгача бўлган тўртта учрашувда «қизил иблислар» бош мураббий вазифасини бажарувчи Кэррик қўл остида тўрт бор ғалаба қозонишган эди.

«Кэррик керакли футболчиларни тўғри позицияларга жойлаштирди. Бу ерда ҳеч қандай ўта мураккаб нарса йўқ!

Олти ҳафта олдин «Манчестер Юнайтед» бундай ўйинда 0:2 ёки 0:3 ҳисобида мағлуб бўлган бўларди», — деди Батт баҳс якунланганидан сўнг «TNT Sports» эфирида.

Майкл Кэррик январь ойи бошида истеъфога чиқарилган Рубен Аморимнинг ўрнини эгаллаб, «МЮ» бош мураббийи лавозимига тайинланган эди.