2006 йилда украиналик ҳужумчи Андрей Шевченко Италияни тарк этиб, Англия томон йўл олди. Шунга қарамай, у икки йил ўтгач, Италия футболига қайтиш имкониятига эга эди. Аммо ўшанда Шевченко "Рома"га рад жавобини беришга қарор қилганди.
"2008 йилда мен, албатта, бир неча йил аввалгидек формада эмас эдим. Мени "Рома"ни бошқараётган Лучано Спаллетти ҳузурига чақирди, лекин мен рад этдим. Агар Италияга қайтишга қарор қилсам, фақат "Милан"га дедим", - дея Шевченконинг сўзларини келтиради pianetamilan.it.
Сўнгги пайтларда Шевченко мураббий сифатида унчалик муваффақиятга эришмаяпти ва сиёсий карьера қилишга ҳаракат қилмоқда.
