"Манчестер Сити" дарвозабони Жеймс Траффорд ёзги трансферлар ойнасида клубини ўзгартириши мумкин. Бу ҳақда Teamtalk журналистлари хабар бермоқда.
23 ёшли футболчига "Лидс Юнайтед" қизиқиш билдирмоқда. Инглиз клуби ёзги трансферлар вақтида Траффордни сотиб олишни режалаштирмоқда. Дарвозабон бўйича таклиф 35 миллион евро атрофида бўлиши мумкин.
Жеймс 2025 йилнинг ёзида "Бёрнли"дан "шаҳарликлар" сафига ўтганди. Битим суммаси 31 миллион еврони ташкил этди. Траффорднинг "Манчестер Сити" билан меҳнат шартномаси 2030 йилнинг июнь ойи охиригача мўлжалланган.
Жорий мавсумда Траффорд АПЛда 3та ўйин ўтказиб, 4та гол ўтказиб юборди.













